جا لك شعوري ولكنك خذلتهـ

( جا لك شعوري و لكنّك خذلته
ما انت كفو انّك تبادلني شعوري ) !

بيت قلته , ليتني ما فيك قلته
ضقت من صدّك و قلت ارضي غروري ,

و الكلام اللّي بوسط القلب شلته
شوفه بعيني و تقراه بسطوري ,

انت أجمل حظّ في دنياي نلته
و انت أكبر حلم يحتاجه سروري

و انت لو عمري على شانك بذلته
أعتبرْه شوي , و آحس بقصوري !

قلت شعري في دفا قلبك و طلته
شوف هالعالم تبي تقطف زهوري ,

طاح جرحي فوق الايّام , و نقلته
من ظلام غيابي لنجمة ظهوري ,

ما تصنّعت الحضور و ما جهلته
ليت كنت اجهل أو اتصنّع حضوري !

رح فمان الله يا حمل ٍ حملته
سكّة الايّام ما تقبل مروري ,

ذي نهاية حلمي اللّي ما وصلته
و انتهى ويّاه في دنياك دوري ,

لكن اسمع شي ما في يوم قلته
انت ما غيرك يبادلني شعوري !

رقمي تعرفه عدل .. واسمي على شفاك
................ اقل حاجه ( طمنّ القلب ) لا ابطيت

من اول اليا غبت .. ردك لي رضاك
................والحين مرّ اسبوع ما عاد دقيت ؟

ومن اول تسلم علي وآتحفاك ؟؟
................والحين لا سلمت ما عاد رديت ؟

قلبي يقول : انه جحدكّ وتناساك
................واقول له يا قلب غلطان واخطيت

ويقول لا بالله .. قاسي وبكاك
................ويسد نفسك بالعشاء .. ما تعشيت

مدري شبلاني فيك ولا انت وش جاك
................ياللي ,, الحشا لك درب والقلب لك بيت

بيحت لك سدي ولا هو بيخفاك ؟؟
................اني على شانك .. خسرت وتحديت

ازعـل ولا آحآكيـك .. واقول بجفاك
................الى آشتقت لصوتك العذب ،. سجيت

شفت اني آحبك ..ولا آقآوم حكآك
................لاني بحبك .. ما لعبـت وتسليـت