قصيده الفيصليه عبد الله الحصان

بنات جبت لكم اليوم قصيده مضحكه بجد

اخليكم معها


بسم الله الواحد اللي له نصوم وله نصلي
وأبدا قصه لي حصلي في مره من المرات
كنت رايح أتمشى في العليا وأتعشى
مع رفيقٍ ما يغشه جعله الله للغنات
يوم رحنا للعليا جينا سوق الفيصليه
جانا واحدٍ وعيا قال ممنوع الفتات
ممنوع إنكم تدخلون ياشباب وش تبون
هذا مثل ما ترون هذا سوق العايلات
قلت ياولد الحلال بالله أفسح المجال
لنا والله فيه أشغال نبي بعض المحلات
قلت انا والله ما اقدر إن دخلت جاني محضر
واللي مثلي لازم يعذر انا أدي الواجبات
قلت ماجينا نغازل ولا نشرب ولا ناكل
ولا ننظر في الهياكل لنا والله اشغيلات
قال مافيها مجال قلت بالله يارجال
انا بسألك سؤال أنت من أي الحمولات
قال ليه وش تبي بي قلت ليه فيها شي
قال لا انا عتيبي واللي عندك عجّل هات
قلت والنعم في عتيبه اللي لهم قدر وهيبه
اللي يحترمون الشيبه ويذبحون السمينات
انتم والله يالعتبان انتم والله الشجعان
انتم رجال الميدان ولكم صولات وجولات
واقعد امدح فيه شوي أبيه يلين ويرتخي
أثره ما يبي له شي لا المن ولا المدحات
قال انتم ياشباب انتم شباب عزاب
وان دخلتم مع هالباب جاني محضر في وريقات
لكن اسمعوني زين إذا لفيمتم يمين
يابا يجيكم بابين للحالات الطارئات
وإذا إنكم دخلتم تكفون يا إخوان لا هنتم
وأسترو اللي واجهتوه والله يمحو السيئات
قلت الهم ولا تشيل وما سويت غير الجميل
فعلك فعل الرجاجيل والله يجزاك الخيرات
والله إني يقويك وانه بالخير يجازيك
والله يرحم والديك ويسكنهم في الجنات
وبعد جفاف الحلوق قال تفضلو في السوق
ثم رقينا حنا فوق ورحنا لمحل الساعات
جينا للمحل ودخلنا وكلمنا البايع وقلنا
نسى عندك رفيق لنا كيسه وسطها حاجات
قام يحقق ويش فيها وليه رفيقكم ناسيها
وليه هالمده مخليها وأنا أعطيه الإجابات
المهم إناّ عاطانا وقلنا شكراً ثم طلعنا
وأخذنا كيستنا معنا ورحنا نأكل لنا أكلات
جينا المطعم ثم طلبنا ثم أكلنا و شربنا
ثم شبعنا ثم حاسبنا ورحنا لمحل القهوات
خذنا منه نسكافيه ثم طلعنا من البوفيه
ندّور كرسي نجلس فيه كرسي من الفاضيات
دورناه ودورناه دورناه وحصلناه
لقيناه ثم جيناه لقيناه في الساحات
وأنا قاعد اتقهوى وأكل شي من الحلوى
مع رفيقي طير شلوا جونا ثلاث من البنات
جنّا يتدلعّن يمشيّن ويتمايلّن
تقول داخل فيهن جن ولاّ الظاهر شاربات
يوم هن قربو منّا قالت وحده قوموا عنا
قلت هذي اماكنا والكراسي واجدات
قالت مآبي إلا هالكرسي قلت دامها طيبه نفسي
يابنت إن طعتيني طسي واخذي معك الباقيات
قالت اقول قم بس وخذ خويك ثم طس
ولا اسمع لكم حس عجّل دامنا هاديات
قلت والله ما نقُوم لو تحبينَ النجوم
حنا هنا لنا يوم وأنتُم توكم داخلات
قالت اسمعونا يا اثنين لكم يوم أو يومين
قايمين قايمين قوموا لا نسوي سوات
قلت وش اللي بتسوٌن قالت أصلاً ماتدرون
تدرُون حنا من نكون قلت بناتٍ ((صايعات))
قالت حنا يا مقرود حنا الفهود الأسووود
حنا بنات آل سعود يعني حنا أميرات
قلت والنعم في أهل الجود أهل التاريخ الممدود
اللي يوفون العهود آل سعود أهل النخوات
وأنتي منتي من الاحراب يمكن تكوني من التجار
يعني الدعوه بأختصار ما يربــــطكم علاقات
قالت ليه ماني تبعهم ليه مالي علاقة معهم
قلت مافيك من طبعهم قالت وش فيهم ميزات
قلت أل سعود أهل الكرامة وأهل الوفا والشهامة
وأنتي مافيك أي علامة من اللي قلت من الصفات
قالت أقول يامسلمين شكل ما نمتم قايمين
قلت مره لا تحلمين ولا تعيدين المحاولات
قالت وش رأيك يا أشواق نجيب العبد السواق
يعطيهم ألفين طراق ثم يبكون الدم دمعات
قلت نادي اللي تنادين عبدٍ واحد أو عبدين
ما يخوفني أربعين إلا رب السموات
قالت اصبر وبتشوف *بتشوف أنواع الكفوف
لكن اصبر ياملقوف دقايقٍ معدودات
راحوا عني وأنا صابر وأشوف منهو هو الشاطر
قال رفيقي لا تكابر ترا البنات صاملات
قم تعوذ من الرجيم واحذر من كيد الحريم
إنّ كيدهنّ عظيم هذا مذكوُر في الآيات
قِلت قوُ قلَبك ولا تخاف والله لا يجيب الخلاف
قال قلوب فيها ملاف اتِركها ورح للسمحات
وقم خلنا نمشي بالحال قِلت اصَبر يا رجال
وأنا وياه في جدال وعلى حِدة مشاجرات
أقبل عبدٍ من بعيد عبدٍ عن عشرة عبيد
وزنه طن وأظن يزيد*يزيد بعض الكيلوات
وجهه مطليٍ بقار وفمه مثل جحر الفار
والبراطم سود وكبار //كبار كبر المطبات
أيديِنه مثل المهاف وشعر وجهه ما ينشاف
لو تولع بالكشاف ولاّ بعشرة كشافات
أسود وجهه وحِيش عيون وأبيض مافيه هالسنون
وخشمه مثل المايكروفون وأذانيه السماعات
دبٍ عريض طويل بطنه كبر بطن الفيل
انا اشهد انه ثقيل ما تقواه الرافعات
والونش لو فكّر يشيله والله إن ينهد حيله
مارفع له لو رجليه ولو وحده الايديات
ولو ركب له في سياره أو ركب له في طياره
اوركب له في عباره أصبح عنده مشكلات
السياره ماتسير والطيارة ما تطير
والعبارة يا أهل الخير تسقط بأسفل اللجات
يوم شفناه اقبل علينا قال رفيقي قم مشينا
عجّل عجّل لا يجينا ثم نصير من الأموات
قلت اصبر خلينا نفكر قال انا تفكيري مسكر
وأيضاً مزاجي مَعكر خايف نُذبح ذبِح الشات
قلت اجل عندي اقتراح خلني بعطيك المفتاح
ورح للسيارة واِرتاح ولا اقعد معي لحضات
اقعد واركد بالرخامة قال اقول مع السلامة
والوعد يوم القيامه وصلك هادم اللذات
وراح للموتر وخلاني وأنا قاعد في مكاني
وأنظر في العبد اللي جاني اسمّي وإقراء المعوذات
ثم وصلني من العبنده يوم وصلني تعدى
قلت يالله لك الحمد يافارج الكربات
صار العبد عابر طريقي حمدت ربي وبلعت ريقي
وقمت بروح لرفيقي وتقدمت لي خطوات
وإلا ذيك اللي تناديني وتأشر لي باليديني
وقفت وقلت وش تبين المهم البنت جت
قالت سلام ياغلام قلت وعليكم السلام
قالت بقولك كلام قلت اختصري في كلمات
قالت ابشر بختصر وأنا جيتك ابعتذر
عن الكلام اللي بدر وعن سوء المعاملات
وأنا تراني أخوك ترا ماني من الملوك
قلت مادخلني شكوك الاميرات عفيفات
تلقينهن محتشمات عاقلات فاهمات
ماشيات في ثبات طاهرات عفيفات
لكن انتن منحرفات صايعات ضايعات
هايتات تايهات مرخيات للعبات
سبيتها ثم مشيت وقفتني ثم صديت
قالت أنسى اللي سويت تكفى أنسى اللي فات
تكفى تكفى لاتروح أنت مزيون مملوح
عطني رقمك ثم مسموح روح وبيننا اتصالات
قلت رقمي ما اعطيكيه رقمي مالك حاجه فيه
قالت ارجوك انا أبيه نبي نكون صداقات
قلت مالي في هالامور ولاني فيها مجبور
قالت لا تلف وتدور ولا بنادي الهيئات
ولاّ تراني بصايح ثم اسبب لك فضايح
عند إلي جاي واللي رايح وأدخلك متاهات
قلت رب العالمين يكفيني كيد الكايدين
بروح وسوي اللي تسوين وهالامور مسهلات
ورحت للموتر وجيته وعنده رفيقي لقيته
مشينا وكلّن راح لبيته وعشنا في سبات ونبات
هذي قصه في قصيده فيها طرايف عديدة
وانتظرو مني جديدة عقب أيام مقبلات
وأنت ياللي تحدين هذي 50 و100 بيت
وان كانك والله شكيت اكتبها وعد الأبيات
قالها عبد الله أل حصان تمت بختام القيفان
على نبي الرحمن ازكي تسليم وصلاة

نورتي الصفحه

يسلمووووو

العفو حبيبتي

ههههاي تسلمي حياتي

نورتي

شكرا القصيدة زيك قمر

نورتي يا عسل

النور نورك.

تسلمييييي حووووووووووووووووبي

موضوع رائع ومفيد

تسلمي ع الموضوع

وودي اطول ردي لأحلى المواضيع


لاكن وقتي حدود

مدري وش أقول لهاذا الابداع

السووبر

تسلمي حووووووووووبي ع الموضوع

شكرا لك شكرا وش الكلمه الي ازيده

بهاذا الموضوع القميل

تسلمي هالايادي

تسلمي قلبوشتي

شكرا لك ع موضوع السووبر

ثانكيو

موضوع ناايس

وش اقول اكثر من ذي الكلمات

يعطيكي العافيه

يسلموووووووووووو

شكرا

الخ ...........

ما أقدر أقول لك ردود سطحيهه

ابي احيي الموضوع

الموضوع كزهره ردودي ترويهاا

موضوع قممييل

تسلمي

وودي

في امان الله